و قالت : قريبا .. جدا .. جدا .. جدا .. !

جزء داخلي خفي يشدها جدا للرحيل ..
لطالما تمنت ان تمتلك ذلك القلب الاحمق ..
فتروضه و تؤدبه ..
تعلمه كيف عندما يخبره العقل بشيء ينفذه دون ان يتحجج بتلك الواهيات ..

بعد عناء جدا بدأت تستيقظ من كابوس مفزع ..
بدأت تتعايش بشيء من الــ لاأهمية ..
و رغم ذلك ..
يشدها الحنين .. ربما ذلك الشيء الذي ينادونه " العشم" ..

تجارة القلوب في مدينتها مختلفة جدا عن المدن الاخري ..
فالقلب في مدينتها برسم البيع للجميع ..
فالقلب في مدينتها لا يقبل بأن يكون فقط تلك المضخة رغم اى شيء ..

و البشر في مدينتها أيضا ليسوا كاى بشر ..
البشر كنز ..
فرحتهم ماس ..
و ابتسامتهم قوة ..
و حزنهم بركان ..

تتمني الرحيل في كل مرة ..
و يجذبها التواجد ..

قلبها ذلك المغفل إلي متى سيظل في سكرته؟

* ليس لطيفا ان يعرف الإنسان من يحبه ..


الوجع ..
الخطأ ..
الظلم ..
كل ذلك لا يتحمله قلب طائر يعرف انه بعد الترحال يجب ان يعود إلي تلك الأراضي المحبة له المختلفة تماما عن مدينته ..

* من قال ان الهروب سهل؟


ضعيف هو القلب عند اتخاذ قرار الفراق ..
ضعيف جدا فيتأثر برائحة الحنين أو ربما الخجل ..


* الخسارة رغم اى شيء متعبة لمن يسعي إليها أكثر من من تكون له مفاجأة ..


يشتاق ذلك الداخلي الوهن للأتي :

1- الهدوء
2- الانفعال
3- الثرثرة بشدة
4- التواجد
5- الانزعاج بصوت جدا

و ربما القليل من الرحيل " لتثقيف " النفس كيف التعايش بدون ما تحب ..


: )

نـــ ا ســـ .. !

كل شيء او كل حدث او حتي كل انسان بيتوجد في حياتنا مش بيتوجد الا لسبب معين ..
سبب ممكن احنا مش نشوفه في وقتها .. و ممكن اوي نشوفه و يطلع مش هوا السبب الحقيقي .. و ممكن اوي يكون لاسباب كتيرة نشوف بعضها بس ..
و ممكن اوي نفضل طول عمرنا مش عارفين هما ليه في حياتنا أصلا ..

فيه ناس تواجدهم في حياتنا كمان بيبقي جزئي جدا .. لفترة و بينتهي ..

و فيه ناس انا مؤمنة اوي انهم بيعيشوا معانا مش من اول حياتنا و لكنهم بيدخلوا في نصها مثلا و يفضلوا فيها لحد ما واحد فيهم يموت .. و يمكن يكونوا بعاد عن بعض في انهم يشوفوا بعض او يتواصلوا مع بعض .. لكن معزتهم بتكون قوية اوي .. اوي جدا يعني .. و انا بنفسي شفت النوعية دي ..

فيه ناس تواجدهم معانا رغم انه قليل اوي .. الا ان بيبقي هدية من عند ربنا .. قليل اوي لما الانسان يلاقي ناس بتحبه في الله بجد .. من غير اي اسباب .. هما بس بيرتاحوا في الكلام معاه .. و بيبقوا أروع لما يعبروا اوي عن حبهم ده .. دول فعلا بعتبرهم هدايا ربنا ليّا ..




معرفة الناس كنوز .. و ان كان معرفتهم بتحتاج صبر أوي .. و معرفة يقينية .. انهم بشر ..

معرفة الناس ممكن تخسرنا .. بس الأكيد انها بتكسبنا .. حتي لو اتأذينا .. بتعلمنا درس .. يعني كسبنا ..


فيه ناس انا مؤمنة اوي .. ان تواجدهم هو أروع شيء بيحصلي بجد ..

الحمدلله : )

..

..

..

...

...




...

.

.....



..


..


ـــــــــــ / ؟؟



!!!





غ




÷÷÷÷÷÷÷








,,,




B >>>

,,



$



***

^^^







و ..

...






و انا ..

أنـــــا و تــــــاون .. و أيـــــام لا تُنسي ..

كانت لدينا مزرعة ..
كان بها بقر و خرفان .. دجاج و نعام و أحصنة ..
و كان " تاون" هو حصاني المفضل ..

كان لونه مختلط ما بين البني و الأبيض كأنه كوب من الكابتشينو الساخن الذي كانت تعده جدتي ..
كان له شعر كالحرير كنت اعشق ترطيب يدي بإمرارها بين ثناياه ..

كان "تاون" اروع صديق علي علي الاطلاق..
اذكره عندما كان مهرا ضعيفا ماتت والدته اثناء انجابه ..
كنت دائما اشعر ان ذلك الفقد ربي الحزن بداخل "تاون"..

تربيت و كبرت مع "تاون" ..
كنا نأكل الجزر سويا .. و كان دائما يتدلل عليّ و انا اسقيه المياه ..
كنت اركبه بلا خوف ..
اعلم جيدا ان " تاون" يخاف عليّ كابنته رغم انني .. فتاة ..

كان رائعا في كل شيئ ..
كان يتسلق بي التل و يسابقني للبحيرة ..

و في يوم ما كنت علي ظهره و كلي فرح ..
فاليوم عيد ميلاده ..
و فجأة..
و دون اي مقدمات ..
وجدته يلقيني لاسقط علي قدمي و يجري مبتعدا ..

تألمت بشدة .. ليس من وجع السقطة ..
و لكن لماذا يفعل "تاون" هكذا ..

عدت الي البيت و كلي ألم ..
و لم يظهر "تاون" رغم انهم قتلوا المكان بحثا عنه ..

و مع المساء و اثناء انتظاري بلهفة فالشرفة وجدت طيف واهن جدا من بعيد انه "تاون" ..
نزلت مسرعة

كان "تاون" يسير بوهن ..
جاء الطبيب : "تاون" مريض بداء لا افهمه!!

سهرت ليلا و نهارا اعتني به ..

"تاون" أيها الأخ قبل الصديق ..
أيها الصديق قبل الحبيب ..
أيها الحبيب قبل كل شيئ ..
أتترك فتاة تتنفس حبك ..؟!
أيطاوعك قلبك علي ذبح قلبها بسكينة فراقك ..؟؟!!
و "تاون" يهمهم بوهن كأنه يجاوبني بالنفي ..

ظل "تاون" علي هذا الحال لأسبوع ..
ننام سويا ..
و نأكل قليلا..
حتي في يوم من الايام أثناء جلوسي بجواره اذ اجد "تاون" ينحني لأسفل ليجلس علي جنبه بين ذراعي و ينظر لي و تسقط دمعات مني علي جبين "تاون" .. حتي يغلق عينيه للأبد ..

تسودت كل المزرعة أناسها و حيوانتها و طيورها ..
ساد الصمت كل شيئ ..
و دُفن "تاون" بحظيرته ..

و تركت المزرعة و ذهبت للعيش في المدينة ..
و حتي الان اذهب في ذكري عيد ميلاده لاضع له الجزر و المياه ..
و لكن البرد قارس جدا ..
فالمزرعة بعد رحيله قطب لا يمكن البقاء فيها ..

بقي شهور قليلة و يأتي العام الجديد ..
و فيه تكون الذكري العاشرة لرحيل "تاون" ..

الغالي : تاون
1991-1999

بكره العيد ..

جانا العيد اهو جانا العيد ..

أهلا أهلا بالعيد ..
مرحب مرحب بالعيد ..

و الله ان القلب لحزين علي فراقك شهر الخير .. شهر الصبر ..

ــــ

عندما يزيدنا الفقد محبة ..

الانسان بطبعه مخلوق اجتماعي يحب ان يتعرف علي الناس و يتعايش معهم ..
و في حياتنا .. علي مدارها .. نقابل و نتعارف .. نعيش و نتعايش .. نفقد و نفتقد ..
تلك الأفعال المضارعة التي نصبر عليها بعلمنا انها .. " سنة الحياة " ..


و مع كل الأحداث يمر الوقت دائما و قد ننسي أفراد كانوا يوما أناس في حياتنا ..
و لكن هناك بعض الأفراد ليسوا كأي بشر ..
فربما تكون معرفتنا بهم قليلة جدا ..
و ربما كانت اللقاءات بيننا من أقصر اللقاءات ..
ربما لا يعرف كلا منا اسم الاخر بالكامل ..
و لكن سبحان الذي خلقنا شعوبا و قبائل لنتعارف ..
فتُوضع بيننا تلك المودة و الرحمة ..
الاحساس بالخوف علي بعضنا البعض ..
تمني الفرح و الخير لبعضنا البعض ..
السعادة بنجاحتنا ..
الرغبة القوية في ادخال السعادة في قلوب بعضنا البعض ..
كل تلك الأحاسيس الغالية جدا رغم كل شئ و رغم اننا قد نتعجب بعض الأوقات من أسبابها الا انها وجدت لسبب لا يعلمه الا الله ..

كل تلك الأشياء بيننا و بين بعض من نعيش معهم .. تبقي ..
تبقي حتي اذا حدث فراق زماني و مكاني ..
باعدت الأقدار بيننا بالمسافات الطويلة و الأشغال الشاقة ..
الا انه يبقي في القلب .. مواقف .. رسائل .. مكالمات .. محادثات .. كلمات .. و أشياء كثيرة تكون ذكريات هادئة نتذكرها ربما و نحن جالسين في العتمة .. او وسط البشر ..
فتُلمح ابتسامة علي وجوهنا .. و دعوة تخرج من قلوبنا لأناس هم ربما غائبين الان ..
و لكن استطاعوا قبل تفريق الايام ان يحفروا بداخلنا ما يجعل " سنة الحياة " لا تنسينا انهم بالنسبه لنا هم جزء هام من حياتنا ..

فلربما الدنيا ليست سوى فقد وراء فقد ..
و لكن القلب لا يزال يذكر و يحن .. يشتاق و يفرح .. و يحزن لأفراد ..
مادام به نبض ..

مشربتش من نيلها .. لا شربت من الزمزمية ..

مشربتش من نيلها ..
لا عايزه اشرب من دم حكومتها ..

طب جربت تغنيلها ..
لا عايزه اصّّوت من قرف حكومتها ..

جربت في عز ما تحزن تمشي في شوارعها و تشكيلها ..
لا جربت في عز ما اكون صايمة اتبهدل في كليتها ..


ممشتش في ضواحيها .. طيب مكبرتش فيها .. و لا ليك صورة عالرملة كانت عالشط في موانيها ..
لا مشيت في مدرجاتها.. و خللت في أرضية كلياتها .. و ليا ذكري سيئة عند كل ركن فيها ..

دور جواك تلقاها هي الصحبة و هي الأهل ..
و هلاقي حرقة الدم و الصداع و أمراض أخري ..

عشرة بلدي بتبقي نسيانها عالبال مش سهلة ..
"مافيش تغيير في دي لانها حقيقة .. أكيد مش هنسي يوم زي النهارده"..

انت ناسي لأنك فيها ..
صدقيني انا مش ناسي عشان انا فيها ..


مش وحشاك ولا غبت عليها ..
اغيب ازاي بس..؟؟ ده حتي الحضور عليه درجات ..


بس اللي مجرب و فارقها قال في الدنيا مافيش بعديها ..
والله العظيم أكيد مافيش بعديها .. و لا قبليها و لا شمالها و لا جنوبها و لا تحت بير السلم أصلا ..







شيرين .. مشربتش من نيلها ..
لينة الشريف .. لا شربت من الزمزمية ..

فــ قـــ د ..

الفقد صعب ..
من قال غير هذا فهو كاذب ..
من قال غير هذا .. فهو كاذب ..
و ان كان من المفترض ان بكثرة الفقد تزداد القوة و للاسف تزداد معاها القسوة ..
و ان بعض القلوب لتذبحها القسوة لتهلك المشاعر و تفني الأحاسيس ..

خُلق الانسان و داخله حب للتعارف .. للوجود ..
فما أسهل ان تقتل انسانا بأن توقف جميع أجهزة تنفس الترابط ..
و تنتزع منه كل معني لحب الناس ..

و ما سمي القلب قلبا الا من تقلبه ..

إِنَّ الَّذِينَ قَالُوا رَبُّنَا اللَّهُ ثُمَّ اسْتَقَامُوا تَتَنَزَّلُ عَلَيْهِمُ الْمَلَائِكَةُ أَلَّا تَخَافُوا وَلَا تَحْزَنُوا وَأَبْشِرُوا بِالْجَنَّةِ الَّتِي كُنْتُمْ تُوعَدُونَ

ــــ

عملوا ايه .. ؟؟

قالوا ربنا الله ..
ثم استقاموا ..


يارب ارزقنا القول و الاستقامة ..

عــ ا يـــ ز هـــ ا هـــــ ر بــــــ ..


!

عيش الألـــــم ..

احساس وحش اوي انك تحس بالوجع ..
ماهواش مرض و لا مجرد خدش سببلك حرقة بسيطة ..
ده وجع بالقوي ..
ده جه عند الجرح و انداس عليه اوي ..
و مافيش حل غير انك تتألم ..

الجرح مش ناوي يبطل نزيف ..
و لا الدوس عليه هينتهي ..
و لا حتي فيه فرصة ان كل ده يموتك ..
فتموت ..


كأنها تمثيلية من 365 حلقة كلها بتحمل الحلقة رقم واحد ..
و برضه ماتحاولش ..
لا الكهربا ناويه تقطع ..
و لا عندك إمكانية تقفل التيلفزيون ..
و لا ممكن تقوم بعيد ..
و لا يجوز انك تقفل عينيك او تسد ودنك في محاولة للانشغال عنها ..


كل اللي مسموحلك انك تتواجد ..

و للأبد ..


و ربنا يرحمك بقي..

ميّه ..

عارف ان الزرع بيدبل .. لازمله ميّه تسقيه ..
الميّه أهم من اي عنصر تاني لجل يعيش الزرع ..
حتي ربك بيقول "وَجَعَلْنَا مِنَ الْمَاء كُلَّ شَيْءٍ حَيٍّ " ..
يعني حتي البشر لازم ميّه ..
لازم يتبل ريقهم ..

حاجة كمان .. الدموع اللي هي برضه ميّه .. حياة للانسان .. فرق كبير بين انسان مخنوق بالقوي قبل ما يعيط ميّه و بعد العياط ..
موت و حياة ..

الجفاف وحش ..
حتي في تعاملنا كبشر جفاف التعامل بيقتل ..
لازم طراوة بين الناس ..

هقول من تاني " الناس وحشة " .. من وجهة نظري و مش حابه اتناقش في محاولة لتغييرها ..
ولا بحب خد يستهزأ بوجهة نظري حتي لو طمع في تغييرها ..

الزرع في بلكونتنا .. علي سورها بدأ يدبل ..
نام عالحواف و بدأ يتكسر ..
يمكن هلك من كتر قعدته ساكن كده عالشارع بيتفرج كل يوم .. نهار و ليل عالبشر ..
و يعدي حد فينا كل فترة يبصله ..
يدلق شويه ميّه ..
مش يمكن بيحتاج في الصيف تكون ساقعه .. ؟ .. و في الشتا ندفهاله .. ؟؟


الزرع راضي .. و مش ناوي في يوم يعلق علي أفعال بشر ..
مستني مصيره هيترمي علي سور البلكونة .. يملاه التراب .. و تتشقق تربته ..
بس علي الأقل لا هو بقي طايل يبص من فوق علبته علي الناس ..
و لا حد بقي يهتم يجي كل فترة يرميه بشويه ميّه ..
تجبره علي الحياة ..

يستحق اكتب عن " قلبي " ..

سبحان الله ..
قلب الانسان مش في ايديه فعلا ...

دايما شايفه ان بكل بساطه مش مطلوب مني اتحكم في قلبي الا في شئ واحد بس مش مهم لاي حد غيري ..
مؤمنة اوي ان ايديا في ايديا اهو .. قدام عيني .. اقدر افتحها .. اقفلها .. ان شاء الله اكسرها ..

بس القلب ..
لالا .. القلب ده جوا..
مش ينفع امسكه بايديا فقوله :روح يا قلبي شمال .. اقف يا قلبي هنا و مش تتحرك نهائي ..
لو كان المفروض اتحكم في قلبي كان بقي مكان ايدي ..
قدام عيني .. فاقدر افتحه .. اقفله .. ان شاء الله اكسره ..

عادي براحتي .. " قلبي يعني " ..

و انا من النوع اللي لما بضحك .. بحاول لما اكون وسط ناس معينة اكتم ضحكتي اوي .. عشان بضحك من قلبي .. فبضحك اوي اوي يعني .. ممكن اسمع ابعد منطقة عن المنطقة اللي انا واقفه فيها ..



فمش بعرف اضحك من قلبي من حد مخنوقة منه ..
بيصعب عليا الناس اللي بكون زعلانه منهم حبه و مش حاسيين هما بكده ..


فيكلموني ..
و يدلعوني ..
و يهزروا معايا ..

و يضحكوا ..
و انا احاول ازق الضحكة عشان خاطر حاجة واحده بس .. " الدلع " ..

بتطلع وحشة ..
و بيفرحني ان فضيحة ضحكتي بتبقي ورا شاشة ..
و بيسهل سمايل انه يداريها ..

ده غير ان ربك بيسترها يعني ..





هو مش ينفع في يوم اقدر افتحه و العب فيه شويه فاخليه " براحتي انا " ..
اقوله : يا قلبي اضحك من قلبك دلوقتي .. فيضحك ..
اقوله : حقك تزعل ... لالالا استنوا .. اهو قلبي ده الله يجازيه يعني في الزعل ميتوصاش .. مابيصدق يعني .. مش محتاج ضبط في المواضيع دي بالذات ..


انا ماديا .. بخاف علي عيني اوي .. بحبها اكتر حاجة بجد ..
معنويا بقي .. فانا بكل فخر " وممكن ناس تعتبرها غرور عادي مش بزعل من دي .. أوقات أصلا بحسني مغرورة " .. كنت بقول بكل فخر بافخر ان احب شئ معنوي عندي هو " قلبي " ..
مش " القلب " .. لا " قلبي انا " .. ماليش دعوة بقلوب الناس ..


خاف عليك بقي عشاني يا " قلبي " ..
و افـرح ..

أنا .. و ليلي ..

يا ليلى كثيرا ما يسألوني ما دامت قد رفضتك
لماذا لا تبحث عن واحده اخرى؟؟؟؟؟؟؟
اتدرين ما كنت اقول لهم ؟!!!!
لا بئس ان اشنق مرتين
لا بئس ان اموت مرتين
ولكني وبكل ما يجيده الاطفال من اصرار
ارفض ان احب مرتين
دع عنك لومي واعزف عن ملامات
اني هويت سريعا من معاناتي
ديني الغرام ودار العشق مملكتي
قيس انا وكتاب العشق توراتي
ما حرم الله حبا في شريعته
بل بارك الله احلامي البريئات
انا لمن طينه والله اودعها
روحا ترف بها روح المناجاة
دع العقاب ولا تعذل بفاتنه
ما كان قلبي نحيت في حجارات
اني بغير الهوى اخشاب يابسه
اني بغير الهوى اشباه اموات
يا للتعاسه من دعوى مدينتنا
فيها يعد الهوى كبر الخطيئات
نبض القلوب مورق عند قداستها
تسمع احاديث الخرافات
عباره علقت في كل منعطف
اعوذ بالله من تلك الحماقات
عشق البنات حرام في مدينتنا
عشق البنات طريق للغوايات
اياك ان تلتقي يوما بأمرأه
اياك اياك ان تغزي الحبيبات
ان الصبابه عار في مدينتنا
فكيف لو كان حبي للاميرات
سمراء ما حزني عمر ابدده
ولكن عاشقا والحب مأساة
الصبح الى الازهار قبلته
والعلقم المر قد امسى بكاساتي
يا قبله الحب يا من حيث انشدها
شعرا لعل الهوى يشفي جراحاتي
دوت ازهر الروح وهي يابسه
ماتت اغاني الهوى ماتت حكاياتي
ماتت بمحراب عينيك ابتهالاتي
واستسلمت لرياح اليأس راياتي
جفت على بابك الموصود ازمنتي .. ليلي ..
وما اثمرت شيئا عباداتي ( ندائاتي)
انا الذي ضاع لي عامان من عمري
وباركت وهمي وصدقت افتراضاتي
عامان ما رق لي لحن على وتر
ولا استفاقت على نور سماواتي
اعتق الحب في قلبي واعصره
فأرشف الهم في مغبر كاساتي
واودع الورد اتعابي وازرعه
فيورق الشوك وينمو في حشاشاتي
لو صافح الظل اوراقي الحزينات
ما مضر لو ان منك جاء شيئا
تحقد تنتفض الامي المريرات
سنين تسع مضت والاحزان تسحقني
ومت حتى تناستني حبابات
تسع على مركب الاشواق في سفر
والريح تعصف في عنف شراعات
طال انتظاري متى كركوك تفتح لي
دربا اليها فأطفأ نار اهات
متى سأجر الى كركوك قافلتي؟
متى ترفرف يا عشاق راياتي؟
غدا سأذبح احزاني وادفنها
غدا سأطلق انغامي الضحوكات
ولكن ولكن للعشاق قاتلتي
اذ اعقب فرحتي شلال حيراتي
فعدت احمل نعش الحب مكتئبا
امضي البوادي واسفاري قصيرات
ممزق انا لا جاه ولا ترف
يغريك في فخليني لأهاتي
لو تعصرين سنين العمر اكملها
لسال منها نزيف من جراحاتي
كل القناديل عذب نورها وان تظل
تشكو نضوب الزيت مشكاتي
لو كنت ذا ترف ما كنت رافضه
حبي ولكن عسر الحال مأساتي
فليمضغ اليأس امالي التي يبست
وليغرق الموج يا ليلى بضاعاتي
عانيت لا حزني ابوح به
ولست تدرين شيئا عن معاناتي
امشي واضحك يا ليلى مكابرة
علي اخبي عن الناس احتضاراتي
لا الناس تعرف ما خطبي فتعذرني
ولا سبيل لديهم في مواساتي
لاموا افتتاني بزرقاء العيون ولو
رأوا جمال عينيك ما لاموا افتتاني
لو لو يكن اجمل الالوان ازرقها
ما اخناره الله لونا للسماوات
يرسوا بجفني حرمان يمص دمي
ويستبيح اذا شاء ابتساماتي
عندي احاديث حزن كيف ابوح بها؟!!!
تضيق ذرعا بي او في عباراتي
ينز من صرختي الذل فسأله
لمن ابت ؟ تباريج المريضات
معذوره انت ان اجهضت لي املي
لا الذنب ذنبك بل كانت حماقاتي
اضعت في عرض الصحراء قافلتي
فمضيت ابحث في عينيك عن ذاتي
وجئت احضانك الخضراء منتشيا
كالطفل احمل احلامي البريئات
اتيت احمل في كفي اغنيه
اصبرها كلما طالت مسافاتي
حتى اذا انبلجت عيناك في الافق
وطرز الفجر ايامي الكئيبات
غرست كفك تجتثين اوردتي
وتسحقين بلا رفق مسراتي
وغربتاه مضاع هاجرت سفني عني
وما ابحرت منها شراعاتي
نفيت واستوطن الاغراب في بلدي
ومزقوا كل اشيائي الحبيبات
خانتك عيناك في زيف وفي كذب
ام غرك البهرج الخداع مولاتي
توغلي يا رماح الحقد في جسدي
ومزقي ما تبقى من حشاشاتي
فراشه جئت القي كحل اجنحتي
لديك فأحترقت ظلما جناحاتي
اصيح والسيف مزروع في خاصرتي
والقدر حطم امالي العريضات
هل ينمحي طيفك السحري من خلدي؟
وهل سشرق عن صبح وجناتي
ها انت ايضا كيف السبيل الى اهلي
ودونهم قفر المنارات
كتبت في كوكب المريخ لافته
اشكو بها الطائر المحزون اهاتي
وانت ايضا الا تبت يداك
اذا اثرتي قتلي واستعذبتي اناتي ( اي انيني عذب لديك
من لي بحذف اسمك الشفاف من لغتي
اذ ا ستمسي بلا ليلى حكاياتي


انا و ليلي / كاظم الساهر ..


ــــــــ


القصيدة طبعا طويلة جدا و رائعة فوق الوصف و مافيش حزن بعد كده ..
اللي باللون الاحمر دي الاغنية ..
و معدل في بعض الكلمات ..


من أروع و ارقي الاحزان اللي سمعتها ..


لك الله يا حسن المرواني .. يا عاشق الــ ليلي ..

هناك بعض الأفراد نجحوا جدا في ان يتداخلوا معنا ليكون لهم حق الــ مسموح ..
و حتي في خلافتهم معنا ليست سوى رتوش ..
و هم أيضا "مستر بن" في انتشال ضحكاتنا وقت الحزن ..

لا مشكلة .. فلنهدأ ..

لا أحد يفهم اي شئ ..
لا يجلسون ..
و لا يتحاورون ..
و لا شئ ..
الكل ينظر بعينيه الي الاخرين ..
و لا أحد يفكر ان يشتري لنفسه مرآه يري بها نفسه ..

العيوب تملأنا ..
و ننظر علي عيوب بعضنا البعض في استعجاب ..
رغم ان عيوبنا أفظع ..

نهرب ..
نعم نهرب ..
و لأننا لا نحمل المرآيا فلا نعلم اننا نهرب من خلال عيوبنا .. من عيوب الاخرين ..


لو ان قلوبنا تنطق لأصبح العالم أحمرا من غزارة الدماء ..

لا يدري أقرب الناس لنا ماهية الحزن بدواخلنا ..
لأن دموعنا عادة تنشف بعد ان تسقط علي الوسائد ..
و لأنهم لا يرون سوى ضحكات ونجاحات ..
فهم لا يعلمون اي شئ ..

: )

فيه ناس " طيبة " أوي ..

فيه ناس بتعرف امتي تيجي في الوقت الصح .. يمكن بيجوا في الوقت بالصدفة بس بيبقي حظهم انهم جم دلوقتي ..
فيه ناس قدروا بنجاح و من غير ما يحسوا و من غير اي أسباب انهم يخلوا ليهم مكانة في القلب يمكن تتهز بس عمرها ما بتتحرك ..
فيه ناس بتفهمك اوي من مجرد سكوتك ..
فيه ناس بتفهم اوي انك فاهمهم من مجرد سكوتهم ..
فيه ناس عايزه تسمعك ..
فيه ناس فعليا بتحب تسمعك ..
فيه ناس بتحبك .. بعيوبك ..
فيه ناس بتحبهم .. بعيوبهم ..
فيه ناس عارفه كويس اوي ازاي تبقي في عينك دلوقتي حالا حلوة ..
فيه ناس عارفة كويس اوي ازاي قبل ما تقع من قدامك تترفع فووووووووووووق جواك ..
فيه ناس عندها قدرة هايلة انها تقول : معلش .. من غير ما تتكلم ..
فيه ناس بتقدر اوي تخليك تضحك بصوت عالي ..
فيه ناس "سعادتك عندهم بالدنيا " ..
فيه ناس بتسأل عليك ..
فيه ناس بتتطمن انت عليهم ..
فيه ناس بتفهموا بعض اوي من مجرد ان انتوا قاعدين في محيط صغير اوي ..
فيه ناس بتقدر تحطك بين قوسين " ماتخفش انا جنبك " رغم انهم بعيد اوي ..
فيه ناس بتقدر من حروف بسيطة تعيشك بجد ..
فيه ناس بتمشي و تروح و تروح و تمشي و برضه دايما موجودة في جميع الحالات ..
فيه ناس عندها سينس اوي بس معاك الحجات دي مش بتفرق ..
فيه ناس دي أحلي حاجة فيها ..

فيه ناس " طيبة " اوي ..

: )

اسكندرية ..
أيام بسيطة ..
معدودة جدا ..
فقط للراحة ..
ربما إعادة هيكلة ..
هروب ..

لا أدري ..
فقط ..

لا تواجد ..
و لا ابتعاد ..



اسكندرية ..
بحر ..

كــــ / .....

محاولة جادة لأكون أحد غيري ..

محاولة جادة لكبت اي توتر أو عصبية أو زعل أو ضيق أو اختناق أو غبا أو تخلف أو سذاجة ..

..

في الفترة الأخيرة - اللي هي من بداية الأجازة تقريبا - و انا مقضية الأجازة لوحدي ..
بصحي الصبح بدري اخري الساعة 10 يعني .. و اقعد في أوضتي .. ياما نت ياما تليفزيون اللي عادة بيبقي مسلسلات أجنبية لحد ما خلاص الواحد مستعد يسمع اسم كل مسلسل و أحداثه ..

مش حلو علي فكرة ..

قعدة مش لذيذة نهائيا .. قعدة بدأت تخلي الواحد مش عايز تواجد لاي حد تاني حواليه .. شويه بشويه بقي الخروج حاجة مملة .. بقيت اهرب منه .. بقيت اقول هاخرج و اتفق .. و في ميعاد الخروجة اكنسل بماسيج بسيطة .. و لو مقررة انزل اقص شعري ولا اشتري حجات اقول هنزل النهارده .. و منزلش ..

كان التوتر مسيطر جدا علي دماغي الفترة اللي فاتت ..و مازال برضه بس يمكن خف شويه لما اتطمن علي اني الحمدلله اللي عيزاه اتحقق و دخلت القسم اللي انا حباه " الصحافة " ..

بس اكتشفت اني بقيت عصبية زيادة عن اللزوم .. رغم اني دايما عصبية ..
حساسة زيادة عن اللزوم .. رغم اني دايما حساسة ..


مش طايقة الناس زيادة عن اللزوم و عايزاهم بعيد .. رغم اني مكنتش كده زمان ..
و ده يمكن الجديد الوحيد اللي في أجازتي .. غير نتيجة الكلية و نتيجة تنسيق الأقسام الحمدلله يعني ..


بس القعدة الكتير لوحدي خلتني افكر في التغير ..
هل أنا كويسة ..؟؟
لا و ألف لا ..
لا اوي ..
لا ابدا ..
لا خالص ..


هل انا نقية ..؟؟
لا طبعا .. نقاء ايه و صفاء ايه بس ..

هل انا وحشة ..؟؟
اه اكيد .. الانسان اللي عنده قدرة علي ايذاء الناس و لو بحرف واحد يبقي وحش و ستين وحش ..

محاولة كبت الحجات اللي فوق دي لازم تتم بصورة سريعة .. بجد الجد يعني ..
لازم اعادة هيكلة لـــ "انا" .. و لازم انعزالية صغنتوتة اوي ..

عشان علاقات الناس ببعض تتصلح لازم كل انسان يعرف قيمة الانسان اللي بيتعامل معاه ..

انا بحب نفسي علي فكرة و دي مش حاجة خجلانة او بخجل منها .. لان عشان اعرف احب الناس لازم احب نفسي الأول ..
و عشان احاول يمكن اصلح القريبين مني .. اصلح عيوبهم اللي انا شيفاها يعني لازم ابدأ اصلح عيوبي انا ..


لازم اضم ايدي كل ايد لوحدها اوي و اهدي جدا ..
يمكن انجح في التغيير..


امممم ..

بس ..

محاولة جادة لكبت اي توتر أو عصبية أو زعل أو ضيق أو اختناق أو غبا أو تخلف أو سذاجة ..


:)

هنلاقي الدفا فين .. ؟؟
وامتي .. ؟؟

ـــــــ

لو ترجع بيه أيام زمان ..
زمان ..
زمان ..


ــــــــ


اه ..
" أوي " ..

ما الــ بين و الــ بين ..

هناك أفراد لا يعرفون كيف يحبون بـــ وهن ..
هم فقط يسعدون جدا بوجود الناس حولهم ..
لا يعرفون كلمة "عدم اهتمام بالبشر " ..
هم فقط عندما يجدون اقتراب فكأنهم وجدوا حياة ..
و لكن لأنهم علي الأرض فكل من عليها فان ..
فمع كل حياة تنتهي بالموت ..
ويبدأ مرة أخري رحلة البحث ..
ليخطأ نفس الخطأ ..
و يحب بلا وهن ..
فيُقتَل ..
ويموت ..


لذلك ..
لا تبالغ في المحبة .. و لا تبالغ في الكراهية ..

اعتدل ..

مطر .. وعصفور مطرود ارتعش ..

مطر ..
وعصفور ارتعش ..
و من ايديكي الطيبة طلب الأمان ..
ايوه بحبك ..
اه بحبك من زمان ..
يا صاحبة القلب الرقيق ..
خبيني من مطر الطريق ..
عصفور انا ..
عصفور أنا ..
طردوني من كل الشجر ..

خديني في عش الحنان ..
ونشفي شعر الجناح من المطر ..

ليل بعد ليل ..
ونجم ورا نجم اتحدف ..
و انا بغني لكن لوحدي للاسف ..

لحني الجميل مش لاقي انسان يسمعه ..
ياريته ما اتغني ..
ياريته ما اتعزف ..


ازاي اغني للربيع تحت المطر ..


مطر / للرائع علي الحجار




ــــــــــــــــــــــــــ

ـــــــــــــــــــــ






الاغنية رائعة بجد ..
اول ما سمعتها امبارح شدتني جملة " عصفور انا .. طردوني من كل الشجر" ..
هي دي اللي خلتني افوق ان فيه أغنية جنبي مفتوحة .. فيه حاجة بسمعها ..

و رجعت بالليل أول ما قعدت عالنت اول حاجة جبتها عشان اسمعها و اركز فيها جامد ..


يعني كل اما احاول اقول دي احلي جمله في الاغنية الاقي جملة تانية بتبهرني بزيادة ..


مجرد التركيز في كل حته في الاغنية ..

تتسمع و الواحد مغمض عينيه ..
فيشوف المطر بيننزل ..
و ادي العصفور الاصفر الصغير بيرتعش ..ارتعش .. بس رعشة مفاجئة سريعة مؤلمة ..
بنوتة حلوة حس في ايديها هيلاقي الامان ..
بيطلب منها تخبيه من مطر الطريق ..

"في رأي المطر هو رصاص الناس .. الناس " ..

العصفور الحزين طردوه ..
من كل الشجر ..
كل ما يجي يقف علي شجرة يطردوه ..
يحدفوه بالطوب ..
بالرصاص ..

بقطرات المطر ..

بيغني ..
مهما طردوه بيغني ..
بس صوته الجميل .. روحه البريئة اللي كلها في زقزقة ..
بيغني .. اه بيغني .. بس لوحده .. اوحده اوي .. طول الليل لوحده .. ليل ورا ليل ..
محدش بيسمعه ..

وصل بيه اليأس انه يتمني ان ياريته ما اهتم بانه يغني ..
ياريت لحنه الرائع ما اتعزف ..

و لسه ..

مطر ..
و عصفور مطرود بيرتعش ..


ــــــــــــــــــــــــــ ـــــــــــــــــ

متغنيش يا عصفوري ..
و متستخباش بين الشجر ..
طير..

خليك حر ..
طير فوق اوووووووووووووي ..

حاول تتفادي المطر ..
و عيش ..


يمكن توصل فوق للقمر ..
تلاقي صاحبة القلب الرقيق ..
بعيد عن المطر ..



مطر ..

حياة صندوق ..

لا تحدثوني عن الناس ..

يكفي جدا ..

عذرا ..

لا عائلات ..

لا أصدقاء ..

لا أخوات ..

لا بيوت ..

لا شئ ..

و انما صناديق ..

فقط ..

ما المشكلة في السفر .. بلا علم جميع بيوتنا ..

ما العيب في الانتظار .. بلا اي اهتمام ..

و لماذا الزعل ..

عندما تتعاملون مع بشر ..

دماء ..

قلوب ..

تخاصموا ..

و انزعجوا ..

ولكن بما انكم تتعاملون مع أوراق كرتونية ..

مع مكعبات صندوق ..

لا تتنازعوا ..

ولا تعلقوا ..

اصمتوا فقط ..

وحاولوا ان تفكروا ..

لماذا وصلنا لهذا الحد ..

كلنا سببا لهذا ..

كل منا وضع جزءا من الصندوق ..

لا أحد يهتم ..

لا أحد يبالي ..

الكل فقط يشتاق لنجاحه ..

يحلم جدا بأن يكون اخر من يكون قبل الطوفان ..

و لا يهم غيره ..

سيفر .. وماذا في غرقان الاخرين ..

عذرا .. من الاخرين في الأصل ..

هو أصلا لا يعرفهم ..

هو أصلا لا يهتم ..

أتدرون ..

لا أحد يدري ..

فالصناديق أبدا لا تفهم ..

و لا تشعر ..

و لا تدري ..

ولا تهتم ..

و تبقي ..

صناديق للأبد ..

بلا عنوان ..

يكفي تكسيرا في الأكواب المشروخة ..


أكواب مكسورة ..
و رومانسيات فارغة ..
و ..



لا شئ ..

مش شايل هم دنيا .. أنت أصلا أحلي دنيا ..

كانت مرهقة جدا .. فأول مرة تجلس في الجامعة حتي ذلك الوقت المتأخر ..
و لكن لكل مجتهد نصيب .. لذلك كان واجب عليها ان تجتهد ..
ولحسن حظها وجدت بين كراسي الميترو كرسي يرضي و يقبل باحتضانها ..
فجلست و اراحت رأسها مستندة بها علي يدها ..
و اغمضت عينيها برهة ..
و فجأة ..
شد مسامعها ضحكته تلك البريئة كضحكة الأطفال ..
فنظرت له و ابتسمت من جمال الضحكة ..
نظر لها و ظل بعينيه يسرق نظرات عليها و يبتسم في خجل ..
وتبادله في السرقة ..

"بداية قصة حب" ..

و تمر اللحظات ..
وهم علي هذا الحال ..
حتي جاءت محطة نزولها ..
فقامت و اقتربت منه ..
وهو يجول بعينيه بين ثنايا وجهه يترقب حركتها القادمة ..
واقتربت أكثر و أكثر ..
حتي لامست بيدها وجهه ..
وقبلت رأسه ..
ومنحته قطعة حلوي و بالونة ..
و رحلت ..
و لم تنسي ان تسرق نظرة عليه ..
وهو يراقبها و يضحك ببرأتهم المعهودة ..
و انغلق باب الميترو ..

"نقطة" .. : )

في حياتي يوجد العديد من الأسماء التي يجب ان تشطب من قاموسها ..
تداخلات ..
أخطاء .. اي اخطاء في هذه الحياة يجب ان نزيلها ..
نمسحها ..
نخفيها ..
كانت أخطاء ..
ولكل خطأ .. نتيجة ..
و العقبات يجب تحملها ..
هناك بعض الأرقام يجب ان تلغي نهائيا من لستتك ..
يجب ان تنتهي من الحياة ..
تكون ذكري سعيدة .. اتذكرها .. فابتسم ..
علي الأيام الخوالي ..
اكتشفت ..
ان الـــ لا مقبول ..
يجب ان يبتعد ..
باي طريقة مهما كانت ..
فقط يمشي لبرهة ..
سأبتسم ..
أمامهم سأبتسم ..
و اساعدهم ..
و اضحك معهم ..
واضاحكهم ..
ولكن يجب يكونوا تدريجيا خارجي ..
بعيدا عني للغايه ..
لا اذكرهم وقت فراغي .. الدائم ..
لا احادثهم أخباري .. الداخلية ..
و لا اشاركهم أحزاني ..
اضعهم أمامي.. أناس عرفتهم يوما ..
و أحببتهم ..
مثلكم جدا ..
لا ارغب في ان اشاهد التلفاز فاراهم .. مثلك ..
و لا انا اذكر بفمي اسما فاذكرهم .. مثلك ..
يكفي جدا ..
بعضا منهم بدأ الابتعاد ..
وذلك علمني ان اتعود ابتعاد الاخرين ..
ان احضر نفسي جدا لفراقهم ..
و ان اتعلم كيف ابدأ انا بفقدانهم ..
اسعدوني لفترات ..
اسعدتني الأسماء في دفاتري أسفل أوراق الجرائد ..
اسعدني ذلك الاهتمام ..
و اسعدني التواجد معهم ..
اسعدتموني "حقا" ..
و لكن يجب ان نتعلم كيف لا نتعود علي التعود ..

الناس .. ما بين الوحش و الحلو ..

الانسان .. الطفل .. بيتولد علي الفطرة ..
و الفطرة هي الاسلام ..
يعني الانسان بيتولد علي شئ من أطهر الأشياء..
يعني في الاصل الانسان كويس ..
حد جميل جدا..
يمكن عشان كده الاطفال بيتقال عليهم ملايكة ..

و ربنا قال "انا خلقنا الانسان في كبد "
.. يعني الطبيعي ان الانسان حياته تكون شاقة .. و يمكن ده لازم عشان يبان هو هيتصرف ازاي في المشقة .. فلو اتصرف صح كانت الجنة حقه و مقامه الاخير ان شاء الله ..

احنا بشر ..
اختلفنا عن الملايكة باننا بشر بنغلط ..
و اتميزنا عن الشياطين اننا مش فسدة لأبعد الحدود ..

يعني احنا زي دين الاسلام - طبعا مع فارق التشبيه و الاحترام للاسلام- بس احنا وسطيين .. في النص ..

الانسان وحش ولا حلو ..؟!
أصل الانسان اللي هو الطفل .. اللي هو علي الفطرة هو كويس و حلو اوي .. هو ملاك زي ما بنقول ..
لما يبدأ الانسان يكبر و يتعامل مع الناس اللى حواليه و يغلط و اللى حواليه يغلطوا ..هنا بيبدأ الانسان يمر بطوره الطبيعي جدا و يبدأ يتحول للوسطية.. و يمكن اللي ربنا بيرحمهم برحمته لما بيكبروا و يعجزوا بيرجعوا لطور الملائكية من تاني ..

يبقي عندنا أهم مرحلة في حياة الانسان .. اللى هي الوسطية ..
بيبقي الانسان ما بين وحش و حلو ..

امممم الناس وحشة... يمكن ده بيبقي تفكيري معظم الوقت .. يمكن عشان انا سيئة الظن بالناس .. و يمكن انا فعليا اتعاملت مع ناس وحشة كتير و بمبدأ "السيئة تعم" " اللي هو مبدأ خطأ أصلا بس لان اتفقنا ان فيه جنب وحش " فبنشوف كل الناس وحشة ..


بس فيه ناس طيبة ..
أكيد فيه..
بس يمكن قلة اوي .. او يمكن اتطحنوا في دوامة الوحشيين ..
مش عارفه ..

فيه ناس بتحب بجد ..
أكيد فيه..
بس ايه حدود المحبة دي ..؟؟
ايه أقصى مدى ممكن توصل ليه ..؟؟

اكتشفت ان الناس القريبة نوعا ما مني مش اعرف عنهم حاجة ..
بيقولوا "الحب أعمي" .. و عشان برضه فيه الجانب الوحش .. فبنستخدم المقولة دي حجة لتبرير اخطائنا.. و يمكن عشان القريبين شويه دول بيحبونا فبنشوفهم حلويين .. و مش شايفين الجانب الوحش اللى ممكن اوى يكون فيهم .. بس عشان احنا مش نعرف كل حاجة عن حياتنا فلما نبدأ نعرف شويه نبدأ نشوف الجانب الوحش ..

الوحاشة عموما ليها مقياس يختلف من واحد للتاني أكيد ..
و زي ما مش كل اللي بنشوفه بيضحك بيبقي جواه فرحان .. فمش كل اللى بنشوفه فى البداية حلو يبقي جواه او حتى براه مش وحش ..

ـــــــــــــــــــــــــــــــــــــــ

الواحد محتاج يخرج من مرحلة الوسطية و يرحل للملائكية .. أكيد هيبقي مستريح أكتر ..
علي الاقل يوقف شويه ظلم في خلق الله ..

و في نفسه ..!!

ما بين أخضر و أشياء أخري .. رصيف ..

التواجد مع الاخرين يحكمه الروح ..
ليس رائعا ان يكون حولك الكثير و تشعر برمال الصحراء بين عينيك ..
حتي الطيور المهاجرة لكى تهاجر بسلام يجب ان تتوافق معا في الطيران ..
بعض الاوقات معرفة الاخرين تكون كالطوق المخنوق جدا حول الرقاب ..
سيئ جدا الا تتوافق مع من هم "أقرب" الناس لك ..
أو ربنا هم ليسوا كذلك ..
قد يفصل بين ما تحب و ما لا تحب سور رفيع جدا .. سهل التقافز عليه ..
ليس رائعا ان تكون مجرد "شئ" في حياة البعض ..
و ليس جميلا ان تشعر ان كل من حولك يسخرون منك ..
ما بين السماء و الأرض أميال ..
ما ان وقعت من علو .. تكسرت بلا ترميم ..

1messege received

هناك أفراد يكونون سببا في ان تكتب اسم لك علي الماسنجر يضحك الاخرون ..
هناك أفراد ينجحون جدا في ان يمتصوا غضبك ..
هناك أفراد مهما مرت الساعات منهم أبدا لا تمل ..
هناك أفراد مهما اختلفتم لا يستوجب اعتذار لتتصافوا ..
هناك أفراد فرحتك لديهم بالدنيا ..
هناك أفراد يعشقون جهازك النقال لتستقر فرحتهم .. أحزانهم لديه ..
هناك أفراد يصممون ملفات خاصة بأشياء تخصك .. و تخص اخرون ..
هناك افراد هم نسخة طبق الأصل منك .. ربما نسخة مصغرة و لكن هم "أنت" ..
هناك أفراد هم الأفضل لتضحك معهم .. تحزن .. ترخم .. تغلس ..
هناك أفراد لديهم كافة الاستعداد ليسمعوك للنهاية ..
هناك أفراد يعشقون حقا البوح و الحديث معك ..
هناك أفراد تواجدهم معك رائع .. و تواجدك معهم أروع ..
هناك أفراد يستطعون جدا في دقائق ان يجعلوك " تضحك من قلبك حقا" ..
هناك بعض الأفراد مختلفون جدا عن الاخرين ..


هناك أفراد مهما كتبت عنهم ..
هم "رائعون"..
فقط هكذا ..
كما هم ..
بعيوبهم..
و مميزاتهم ..

لا في السادسة ..

عن هذا الشعور .. لا اعرف ..

اظنني لم يسبق لي التفكير في ذلك ..

لا استطيع الانكار ان تلك الامور صعبة جدا رغم اعتراضي التام علي بعض ما يؤدي لها ..

ولكن .. صعب ..

لاتصرف .. عندما يصل بك الأمر لتلك الــ لا .. لاشئ .. ان يلجأ لك الاخرون و انت في حالة الــ لاكل شئ مسيطرة عليك ..

ان تتثاقل عيناك لابسبب استيقاظك مبكرا .. و انما شعور بالضعف جدا انك لا تستطيع ان تداوي لاماديات غيرك ..

ان لا تستطيع حتي مجرد ان تضع يديك علي أكتافهم لتقول بها "عذرا" .. رغم انك لم تخطئ و رغم انهم لاينتظرون اعتذارك عن شئ لم تفعله .. و انت اصلا بأحزانهم حقا منهك ..

و ان تتمني الــ لاتواجد ..

تعاتب كل شئ جعلك انت و لا أحد غيرك في هذا الموضع ..

حيث واجبك جدا ان تمسك معنويات مجروح و تعمل علي تضميد جراحها ..

لا أدري موقعي انا الان ..

اظنني لم و لن أصل لذلك ..

فانا تعودت دائما ان اجاهد جيدا في ان أظل علي قيد التحرر ..