مين مالوش نفس ؟

مين مالوش نفس .. ؟

ــــــــــ

نفسي اوي اني اتخرج من الكلية و اعمل جورنال و ابقي رئيسة التحرير و اشغل ناس معايا بعتبرهم من اروع من مسكوا الأقلام ..
هسميه جورنال " الضحكة "..



نفسي اوي اتجوز واحد طيب .. يهتم بيّا وقت حزني .. يهتم اهتمام غير عادي ..
يبعتلي ماسيج نكتة مثلا عشان اضحك رغم انه في الاوضة و انا في المطبخ .. و ده اللي هيضحكني مش الماسيج .. !!
يبقي مشغول البالي اوي بإن انا متدايقة و وقت فرحي يبقي حد مختلف ..
حد يتحب بجد اوي ..
و أهم حاجة انه يحسسني بالأمان اوي ..
لو فه القدرة دي هيبقي يجنن بجد ..
ربنا يحفظه ليا :)


نفسي اوي يبقي عندي مزرعة بطيخ .. و مصنع ايس كريم ..
و النتجات ليست للبيع .. !!


نفسي اوي في " رملة × بحر " .. نفسي اوي تيجي بقي عشان العمر بجد بيمضي ..


نفسي في بيت بسلم من جوا ..
مش فيلا و لا قصر ..
لا عايزه بيت زي بتوع الامريكان كده .. اللي سقفه مثلث .. و له حديقة ..
و فيه حمام سباحة ..
و مرجيحة بتاعتي لوحدي .. مش هركب عليها حد غيري ..


نفسي اوي اسافر الامارات ..مش لازم اعيش فيها ..
بس عايزه اروح اتفرج ..


نفسي اوي اركب عربية بالليل .. و اكون قاعدة ورا جنب الشباك .. و مكنش انا اللي بسوق ..
و العربية ماشية في طريق طووووووووووووووييل و فاااااااااااااااااااضي و بسرعه جدااااااااااااااااااااا .. و الجو فيه برد طعمه حلو كده ..


نفسي اوي احفظ و ارتل القرءان كله ..


نفسي اوي احقق حلم العمارتين اللي فاكره قصتهم لحد دلوقتي .. و برضه هخليهم ببلاش ..


نفسي اوووووووي اشيل الحزن من كل الناس ..


نفسي اووووووووووي يبقي عندي تأكده تام ان ربنا راضي عني ..


نفسي اووووووووي ارجع اعيش في المدينة المنورة تاني .. و افضل فيها لحد ما اموت ..
بس اتدفن في مصر ..!!


نفسي اوي اعرف انام بسرعة .. مش بعد ما ابدأ احاول انام بساعتين ..!!


نفسي اوي اخلص من ناس كتير دخلوا حياتي ..


نفسي اوي اقابل شخصية معينة و نقعد نفتكر أيام زمان و نحكي الحياة عملت فينا ايه و نضحك زي زمان ..
"بقالنا اد ايه مضحكناش سوا .. ؟؟ بقالنا اد ايه متكلمناش .. ؟؟ سنه ..!! .. و عندي عالفيس بوك ..؟!!"


نفسي اوووي اطلع القمر مع شخصية واحد بس منزهأش من بعض ..


نفسي اوي اخلف 3 ولاد .. و بنتين ..



نفسي اوي يبقي عندي شاليه في وسط النيل



نفسي اوي احرر القدس بنفسي .. و لوحدي ..



نفسي اوي اشتغل زي "حنان ترك " في فيلم "تيتو ......" بجد نفسي في دي اووووووووووي"


نفسي اموت وانا صايمة .. و يارب اكون بصلي لحظتها كمان في الحرام .. لالا جوا الكعبة .. الله !


نفسي ادخل الجنة






نفسي كل اللي نفسي فيه يتحقق .. ..

و لسه ..


Saturday, October 11, 2008 at 11:07am

و مازلت بحب برضه حاجات كتيرة أوي

بحب سورة مريم اووووووي ..


بحب "بعشق" المدينة المنورة "..


بحب جمال عبد الناصر اوي الله يرحمه و بكره محاولة البعض تشويه صورته قدامي ..


بحب الاغاني الوطنية بالذات اغاني حليم .. أصلا حليم مالوش حل في جميع اغانيه .. ناصر يا حرية يا وطنية ياروح الامه العربية يا نااااااااااااااصر ..اه ناصر دايما مرتبط معايا بحليم ..


بحب البطيخ اووووووووووووووووي ..


بحب عمر اخويا لما يكون مهييس و بحبه اوي لما يبوس راسي رغم اني اوقات ببقي مخنوقة فاتغابي عليه .. و بحبه اوي لما يرخم عليا بس لما بيزيد بوريه الوش التاني ..


بحب شمس الأصيل ..


بحب التمشية لوحدي في عباس العقاد ..


بحب الايس كريم اوي و بالذات بتاع "قويدر" اللي مبقاش يتعمل منه بسكوت دلوقتي للاسف ..


بحب " أحلي حاجة فيكي لـــحماقي" ..


بحب العسيلي بجميع اغانيه .. مهيسة او بتوجع ..


بحب اعمل لأبي العشا ..


بحب الورقة و القلم اوووووووووووي و من أحلي الهدايا اللي جاتلي اوتجراف من واحدة بجد من أغلي الناس لقلبي .. واحدة بعد اذنها بعتبرها "انا " في حجات كتير اوي ..


بحب ماسيجات بالليل ..


بحب رنات الصبح بدري اوي دي .. لما اكون صاحية الساعه 6 عشان عندي امتحان ..


بحب تليفون بيجيلي كل فترة من برا عشان يبقي السؤال : عامله ايه .. ؟ .. نفسويتك ايه .. ؟ فلو كنت في الحضيض مبقدرش غير اني اكون سعيدة اوي ..


بحب البلاليين اوي .. و اكتشفت حبي ليها متأخر .. و من اروع الهدايا اللي جاتلي برضه كانت علبة بلاليين .. و اكتشفت ان من أحلي الألوان في البلاليين "اللون البني " .. و البلونة عندي يعني لازم تكون منفوخة جامد اوي .. و مش بتقعد غير كام دقيقة و تنفجر ..


بحب البلاليين الهليوم اووووي برضه ..



بحب كلمة " حمدا الله عالسلامة " اللي اتقالتي مرة من واحدة رغم اني مكنتش مسافرة .. !!


بحب العياط اوي ..



و بحب "لحد العشق" الضحك .. اووووووووووي ..


بحب الحليب و شويبس ليمون صودا و الميّه طبعا ..



بحب اكتب بالليل قبل النوم بيجي في عقلي كلام كتير .. فالموبايل بيبقي احلي صحب ساعتها ..


بحب العسيلي لما يقول " لا ملك مدينة ولا ناس و لازينة يبعدوني عنك .. لقمة تكفينا و موجة تودينا علي شط مليان حبك "..


بحب البلكونة بالليل اوي و الجو برد .. وبحب الصيف اكتر من الشتا ..


بحب العين اوي ..


بحب الــ لكلوك .. وعايزه اجيب واحد علي شكل معين ..


بحب القطط اوي رغم اني بخاف شويه او مش متعودة اقرب منهم ..


بحب اوي الباص بالليل وانا جنب الشباك و الجو حلو ..


بحب انزل اعمل شوبنج لوحدي .. !


بحب اروح من البيت للكليه او من الكليه للبيت لوحدي ..


بحب اوي اقري نوت لناس معينة و اوقات بعيط بسببها .. !


بحب اوي وجود ناس معينة في حياتي .. بحس اني صعب ازهق منهم ..


بحب الاهتمام بيا اوي ..


بحب المصلي اللي في سيتي ستارز .. بحس بالراحه فيه و الهدووووووء ..


بحب حسام حبيب لما يقول " نسيت الناس معاك انت .. حبيبي الدنيا وانا جنبك عليّا تهون " ..


بحب توم هانكس العبقري ..


بحب احلي فيلم

YOU’VE GOT MAIL
رغم انه بسيط اوي .. بس عميق اوي بالنسبه ليا




بحب اقعد لوحدي كتيييييييير ..


بحب لو عايزه انجز حجات كتير يبقي اللي معايا خفيف الحركة و الفهم او انجزها لوحدي عشان بجد اوقات بيبقي لازم نخلص ..


بحب دفا البطانية أوي ..


بحب اللون الأحمر .. و مؤخرا بقيت احب الأسود ..


بحب ان الناس تختارني انا عشان تبوح عندي .. حتي لو حالتي النفسية زي الزفت .. ببقي مبسوطة اوي ..


بحب مامي لما تقلي " قطتي .. قطة .. لولا " .. و أبي لما يقلي "لولّا "..و هبه لما تقولي "لؤلؤة " ..


بحب خالو لما نقعد نرخم علي بعض .. بس لما بيزودها بتخنق ..


بحب الملوخية و الرقاق و اللحمة و الفراخ اوي ..و الجبنة الــ لافشكيري اوي ..


بحب السفر اوي في الفترة الاخيرة ..


بحب الناس تعبر عن حبها .. صح ..


بحب صلاة العيد اووووي .. بحب وقت الفجر بتاع العيد ..


بحب الصيام اوووووي .. من احب العبادات لقلبي الحمدلله كلها محببة ..


بحب شرين لما تقول " امنتك عليا عشان لقتني مصدقاك " ..


بحب اغنية اصالة بتاعت "خليها علي الله " ..


بحب التهييس اوي ..


بحب لما اضحك .. اضحك من القلب اوي ..


بحب اتعامل مع ناس مبسوطة .. مش احس ان جواهم ازمة .. بسترخم اوي كده ..


بحب حد لما يلقي " انتِ بخير ..؟ " ..


بحب الاطفال اوي .. عندي صور كتير ليهم ..


بحب اعرف الناس اللي انا بحبهم علي بعض ..


بحب نفسي اوي لما اقول من جوايا اوي وقت الفجر و انا باصه للسما " يــــــــــــــــــــــارب

" ..


بحب واحده صحبتي اوي رغم ان تعاملنا قليل اوي الا انها " بتحبني بجد" .. !!


بحب اي حد يبقي داخلين اوفلاين عالماسنجر و يكلموني ..


بحب اوي الرسايل الخاصة و بحب ماسيجات معينة في حياتي حطاها في فولدر عالموبايل عشان اوقات بتبقي دواء يخليني اعدي اوي لناس ..


بحب اوي الناس تبقي ليهم رصيد حسنات عندي .. بيجبروني اني احبهم .. و اغفر ..

بحب اني احس بالأمان اوي ..

و مازلت بحب حجات كتير اوي ..

Wednesday, October 8, 2008 at 8:05pm

و لسه مبحبش حاجات كتير أوي

مبحبش ان يبقي في دماغي كلام كتير عايزه اكتبه و الوقت مش نافع ولما يسمح الوقت يكون كل اللي في دماغي .. طار


مبحبش التعب .. مبحبش احس اني تعبانه او همدانة او مش قادره اتعامل دلوقتي .. مبحبش احجز بالعجز ..


مبحبش الغموض .. مبحبش حد يبقي حاطط نفسه في هالة سودا و لا بحب فكرة اني اتعامل مع حد هو علامة استفهام ليا ..


مبحبش الغباء .. بجد اوي بكره اتعامل مع حد غبي وممكن اتغابي عليه لدرجه اقوله في وشه : انت غبي ..


مبحبش التبذير .. و بمقت البخل .. ومبحبش اعد الفلوس اللي معايا لاني مش بعرف .. و عرفت قيمة الفلوس بجد لما بدأت استقل بحياتي في ان كل حاجه اطلب ..
مبحبش اللون الأبيض .. و يوم عن يوم بيزيد كرهي لييه .. لون فارغ ..


مبحبش الاغاني الاجنبية غير يمكن كام اغنيه معلقه معايا او اغاني بتشدني لسبب .. رغم اني مش بعشق غير الافلام الاجنبيه ..


مبحبش نفسي لما اكون بدأت ادخل في موود اكتئاب .. وبعرف نفسي اوي لما اكون هدخله اهو .. و بكره ان حد يستخف باكتئابي ..


مبحبش اهتمامي الزايد اوي بالناس و خاصه لو ناس بحبهم .. لان عادة ببقي متوقعة منهم نفس الاهتمام اللي عادة مش بيتم .. فاتعب انا .. و يقولوا عليا : مكتئبة ..


مبحبش فكرة ان سكان مدينة نصر و مصر الجديدة جايين من الخليج معبيين فلوس و يشتروا مصر كلها .. رغم اني بكره كوستا كافيه و سلينترو و مشتقاتهم .. وعايشه ..


مبحبش حد يعتبر ان عشان الواحد سنه صغير يبقي همومه لازم تكون قليلة و اشوف اكبر استخفاف بمشاكل الناس اللي مش حد يعرفها .. رغم ان معظم اللي شايفين كده اكبر بكتير من الاطفال اللي في الشوارع اللي اكيد اقل هم عندهم اكبر بكتييييييييييييييير من اكبر هم عندنا .. و اطفال اهو ..


مبحبش نفسي لما بكون غبية .. و بكون كده كتير ..


مبحبش حد يكلمني من برا النت و انا قاعده عالنت لان ببقي مشدودة اوي و مركزه في حجات معينة فمينفعش حد من العالم الخارجي يقعد يحكيلي لاني بعقل واحد مش اتنين ..


مبحبش لساني لانه رغاي اوووووووي و بيتكلم زيادة عن اللزوم .. و بيقول كلام مش لازم يتقال .. و بيدخل الناس في حياتي اوي ..
مبحبش " بمــــــــــقت" حد يتدخل في امر يخصني من غير اذني .. وهنا مش بتفرق معايا النية طيبة ولا سيئة .. بس فكرة التدخل لوحدها ممكن تهدم نظرتي للانسان اللي اتدخل ..


مبحبش وجع الدماغ .. !!


مبحبش الفذلكة و اني اتعامل مع حد بيحسب انه بيل جيتس ..


مبحبش اتعامل او اني امشي مع ناس احس انهم اعلي من ثقافيا او ماديا .. بكرهه ده اووووووووووووي .. و بحاول بقدر الامكان اكون بسيطه في حجات معينة ..


مبحبش الوضع لما احس ان الخطوط الحمرا اتشالت شويه .. وان الـــ أ بدأ يبقي حروف اخري ..


مبحبش اسمع اغنيه بحبها اوي مرة واحدة .. و بكرهه حد يقاطعني وانا بسمع اغنية بحبها و بالذات لو حماقي .. و اوقات ممكن اوقف كل اللي بعمله لمجرد اني اسمع اغنية بشكل هادي ..


مبحبش الاغاني الحزينة رغم ان اوقات ببقي مزاجي دلوقتي اعيش في الكئيب ..


مبحبش عصبيتي .. مبحبش تقلبي و مبحبش ربط الحجات دي بالابراج و الجوزاء و العقرب و السمكة و الفيل .. رغم اني دايما بتريق واقول : انا جوزااااااء خافوا مني ..


مبحبش "في بعض الاوقات " حد يكلمني .. ببقي مش عايزه اي حد يتواصل معايا نهائيا .. بس عايزه الناس تسبني ..


مبحبش عدم التقدير .. مبحبش اتعب اوي ومحدش يقلي : شكرا .. او يكافئني باي حاجة .. و لو لقيت كده ممكن ارخم اوي في حجات معينه و اعتبرها حق مشروع ليّا .. و اللي معترض .. يكشف ورقه ..


مبحبش حد يقلي : مالك ..؟ .. فاقوله : ماليش الحمدلله .. فنسكت .. او نرغي زيادة عن اللزوم ..


مبحبش حالة افتراض سوء النية للي قدامي اللي بقت عندي دي ..


مبحبش حد يتريق علي بوح ليا او نوت او تدوينة او حتي نيك نيم ..


مبحبش "بمـــــــــقت" الذكور اللي بيركبوا عربيات السيدات اللي في الميترو .. و بيعتبروا ده حق مشروع و بعتبرها انا "فلة أدب " ..


مبحبش نفسي خاااااااااالص لما القراءن اللي علي مكتبي يبقي عليه تراب .. بتصعب عليا نفسي اوي ..


مبحبش النوم الكتير و رغم كده في الوقت الحالي بتمني انام اوي بالليل .. نفسي انام .. !!


مبحبش الصداع .. رغم ان الواحد لازم يتعود علي الشئ لو هو ملازمه زي ما قدرت الحمدلله اتعايش مع اشياء اخرى ..


مبحبش حد عزيز عليا ينزل من نظري .. بتدبحني دي اوي .. بتصعب عليا ضحكة زمان اللي طالعة من القلب .. و الخوف و الحزن و التهييس و البارك و الشارع و الميترو و حبي ان احنا نكون سوا بس ..



مبحبش اني حساسة زيادة عن اللزووووووووووم ..



ومبحبش حد ميحسش و يراعي حساسيتي دي ..


مبحبش ان حد يورطني في شئ معين .. حتي لو من غير ما يقصد .. او الحب بزيادة فاتورط لافعال تمت عشاني ..


مبحبش اتحايل علي حد عشان ميزعلش ..


مبحبش الفيس بوك .. بيعرفني علي الناس اللي عرفاهم ..!!


مبحبش ابقي موجودة وسط ناس انا داخليا متضايقه منهم .. بحس اني منافقة اوي ..


مبحبش اني مطلوب مني اني لما اعمل شئ معين اشرك ناس معينه فيه باسم الصداقة او كده .. يمكن كنت بحب ده زمان .. بس دلوقتي مبحبش كده ..


مبحبش تبقي حالتي النفسية عالية اوي .. و فجأة .. تهبط اوووووووووووي ..


مبحبش " في الاوقات الحالية " ان موبايلي يكون مفتوح .. رغم انه صامت معظم الوقت الا اني مش بقيت احب ..


مبحبش حد يشتغلني معايا شغل التلات ورقات ..


مبحبش اكون بكتب في المحاضرة و اوقف شويه الاقي حد اتحشر جوا كشكولي و انا بكتب .. يع بجد ..


مبحبش حد يكلمني و انا نايمة او لسه صاحية من النوم .. ببقي مش مركزة و عادة انا مبحبش اتكلم في الفون قدام حد فبضطر اقوم اروح حته تانية ..و في نفس الوقت مبحبش مردش علي حد .. و مرة واحدة جالي فون انا كنت عامله الموبايل سايلنت فمحستش بيه و لما شفته طنشت اني ارجع اكلم الشخصية اللي كانت كلمتني .. كنت لسه صاحية من النوم كالعاده ..


مبحبش ان الفضل الناس تعتبره حق .. وتنسي انه فضل مني !!


مبحبش حد يعاملني بشكل معين و بعدين يعاملني بشكل تاني ..


مبحبش الصدمات لانها بتغيرني للأسوأ أوي ..


مبحبش احس ان فيه ناس وحشاني اوي .. بحس بالضعف .. وانا مبحبش نفسي اكون ضعيفة ..


مبحبش حد يبعد فجأة .. و يقرب فجأة .. !!


مبحبش اتكلم مع حد واقعد ارغي و الاقي حيطة قاعدة معايا .. عندي حيطان كتير ممكن اكلمها .. انا بكلم بشر يعني عايزه تواصل .. الموضوع ده بيعصبني و ممكن اقفش علي اللي قدامي بجد ..


مبحبش الكركدية و مشتقاته من السوبيا و التمر الهندي و القصب ..


مبحبش لحمة الخروف ..


مبحبش حوار الحب من اول نظرة و مبحبش حد يحب حد في الخفا و مبحبش الدخول من الشباك لان الباب بنحط قدامه الشوزات قبل ما بندخل ..



مبحبش حد يحذرني من حد هو متعاملش معاه .. و مجرد كلامه انطباع شخصي خاص بيه او سماعي من الناس ..


مبحبش مطالبة من ليس مدعوا للحفل بالحضور و التضفيق ..



و لسه .. مازلت مبحبش حجات كتير اوي ..



Tuesday, October 7, 2008 at 10:45pm

شخبطة

صندوق الرسائل لديك مستخدم بنسبة 99%

ـــــــــــــــــــــ

انا بعشق 3 حروف اوي ..
" ح ر ة "..

" وجهة نظر احترمها و ان كنت لا اوافق عليها " ..
يمكن دي اكتر جمله بقيت اردده دلوقتي .. يمكن عشان مجال دراستي بيحتم عليا اني لازم اتعود عليها .. اني اعيش بيها ..
يمكن هروب من الزعل .. اني لما يحصل فيا موقف من حد اردد الجمله دي فاسكت الوجع ..
يمكن عشان ابرر لنفسي اي رد فعل سيئ ممكن اعمله في حد طلع اقل بكتييييييييييييييير مما كنت بتخيل ..


ــــــــــــــــــــ
قلتلها :
انتِ : 25
هو : 25

انا بقي : 50 ..

دلوقتي اقدر اقولها ..انتوا العدد اللي يريحكوا .. انا هاكتفي بواحد او اتنين او كفايا انا بس ..

و هنضحك برضه زي ما ضحكنا لما قلت 50 ..!!

ــــــــــــــــــــــ

لا تتحدي انسان ليس لديه شيئ ليخسره ..
لا تتحدي انسان ليس لديه شيئ يخسره ..

اللام هنا للتوكيد ..

ياتري فعلا احنا ممكن نوصل لمرحله ان مش يبقي لدينا شيئ لنخسره ..

ـــــــــــــــــــــ

طب خلي الدنيا تضايقك يوم .. و شوف انا هاعمل ايه في الدنيا .. !!

: )

.............

انا بمقت وسيله الاتصال اللي اسمها تليفون .. و مشتقاته من الموبايل ..

بكره اسمع " الله عليك يا سيييييييييدي"..
و عندي قدرة اني ارفع سماعة التليفون و ميهمنيش حد ..

و بكره في حياتي السؤال " انتوا مبتردوش ليه ..؟ "
لان الاجابه اللي بيبقي نفسي اقولها ..
" وانتوا مالكوا ..؟؟

و قفل الموبايل عندي بقي هو الطبيعي .. و مش الطبيعي انه يبقي مقفول ..
و بحب اقفل الموبايل و انا نايمه عشان مش بحب الازعاج .. و عشان لو حد كلمني بالليل او و انا نايمه ممكن ارد عليه و اعامله اسوأ معاملة ..

و اضيع كارتي كله علي الماسيجات افضل بكتير من اني اكلم حد ..


ــــــــــــــــــــ


لو يوم ما حستش بأمان يبقي انا لزمتي ايه .. ده انا في حياتك جيت عشان ابقي اللي نفسك فيييييه .. و اكتر من اللي بتحلم انت بيه يا حبيبي .."

بعشق اغاني حماقي كلها ..

روائع ..


ـــــــــــــــــــ

مبيهمنيش حاجه ..
او بمعني اصح مبقاش يهمني حاجه ..
معنديش مشاكل اني املي الفيس بوك نوتز .. او املي البوح بمشاركاتي ..
و بقي اسهل كلمة " اعلي ما في خيل اي حد يركبه " ..

و مش فارقه معايا وجهة نظر الناس فيا .. لان الحمدلله مافيش حد احسن مني و انا مش احسن من اي حد ..

ــــــــــــــــــ

قالها : متوصنيش .. علي حبي ليك
قالتله : و اني احبك .. و لكن

........

اظن ان فكرة اني اتقبل في القسمين و اختار صحافة بالنسبه لناس كتير هي من عجائب الدنيا السبع ..
بس هعمل ايه في " اذاعه و تلفزيون " ..

و غريب الامر ان فيه ناس جواها عايزاني ادخل قسم اذاعه رغم ان فكرتهم عن اعلام .. سعد الصغير و محمد صبحي و عمرو دياب و تامر كل مرة اشوفك فيها ..

و هاعمل اللي يريحني .. !!


ــــــــــــــــــ

تسألوني الحلم ..؟
أفلس بائع الأحلام ..

اقتباس بقوة ..

من الجمل اللي وقفت قدامها ..
فعلا ..؟؟
البياع فلّس ..
طب ليه ..؟؟

مصنع الاحلام خلص .. !!

ــــــــــــــــــ

عارف فلان .. اه
عاشرته .. لا

يبقي انت اهبل عشان صدقته ..

طيب لازم الانسان يعيش مع الانسان اد ايه عشان يقول انه "عاشره " ..


ـــــــــــــــــ

هو انا ممكن انزل الكليه مخصوص يوم الثلاثاء عشان احضر الحفلة .. لمجرد اني هتبسط .. ؟!

ــــــــــــــــــ

نسيت الناس معاك انت ..
حبيبي الدنيا و انا جنبك عليا تهون ..

فعلا ..؟

الناس اذا هنت عليهم هانوا عليك .. !!

ــــــــــــــــــ

رملة × بحر

!!

ـــــــــــــــ

جاوز الظالمون المدي ..

أوي يعني .. !!

ـــــــــــ

فيه فار ميت ..
مش مشكله ..

هو فيه حد بيتعزم في بيته ..!!

ــــــــــــ

هو احنا ليه بنعمل تاج للناس في النوت بتاعتنا ..؟
طيب مش بنعمل لكل اللي عندنا .. طب هل اللي بنعملهم غاليين علينا ..؟؟ ولا احنا عايزينهم يقروا الكلام ده ..؟؟ ولا هما اهم ناس يهمونا يقروا .. و لا كاتبين حجات عايزنهم يقروها .. رمي كلام يعني ..؟؟
و لا يمكن عايزين نحس بان احنا عباس العقاد في كتابتنا ..؟؟


ــــــــــــ

من التحرير في العصر..
لرمسيس بالليل ..
لعباس العقاد بعد التراويح ..
لمحطة الاوبرا حيث الفضااااااااااااااااا و احلي قعدة بتبقي في الاوبرا ..
لمحطة الجامعة
لاسكندرية ..
و سيتي ستارز ..

يا قلبي لا تفرح ..


ــــــــــــــــ

تم
تم
تم
تم
تم

هو احنا امتي هنبطل نفاق ؟
...



Linah El-shrief
...


ايمو مكببر



Friday, October 3, 2008 at 3:49pm

شخبطة

صندوق الرسائل لديك مستخدم بنسبة 99%

ـــــــــــــــــــــ

انا بعشق 3 حروف اوي ..
" ح ر ة "..

" وجهة نظر احترمها و ان كنت لا اوافق عليها " ..
يمكن دي اكتر جمله بقيت اردده دلوقتي .. يمكن عشان مجال دراستي بيحتم عليا اني لازم اتعود عليها .. اني اعيش بيها ..
يمكن هروب من الزعل .. اني لما يحصل فيا موقف من حد اردد الجمله دي فاسكت الوجع ..
يمكن عشان ابرر لنفسي اي رد فعل سيئ ممكن اعمله في حد طلع اقل بكتييييييييييييييير مما كنت بتخيل ..


ــــــــــــــــــــ
قلتلها :
انتِ : 25
هو : 25

انا بقي : 50 ..

دلوقتي اقدر اقولها ..انتوا العدد اللي يريحكوا .. انا هاكتفي بواحد او اتنين او كفايا انا بس ..

و هنضحك برضه زي ما ضحكنا لما قلت 50 ..!!

ــــــــــــــــــــــ

لا تتحدي انسان ليس لديه شيئ ليخسره ..
لا تتحدي انسان ليس لديه شيئ يخسره ..

اللام هنا للتوكيد ..

ياتري فعلا احنا ممكن نوصل لمرحله ان مش يبقي لدينا شيئ لنخسره ..

ـــــــــــــــــــــ

طب خلي الدنيا تضايقك يوم .. و شوف انا هاعمل ايه في الدنيا .. !!

: )

.............

انا بمقت وسيله الاتصال اللي اسمها تليفون .. و مشتقاته من الموبايل ..

بكره اسمع " الله عليك يا سيييييييييدي"..
و عندي قدرة اني ارفع سماعة التليفون و ميهمنيش حد ..

و بكره في حياتي السؤال " انتوا مبتردوش ليه ..؟ "
لان الاجابه اللي بيبقي نفسي اقولها ..
" وانتوا مالكوا ..؟؟

و قفل الموبايل عندي بقي هو الطبيعي .. و مش الطبيعي انه يبقي مقفول ..
و بحب اقفل الموبايل و انا نايمه عشان مش بحب الازعاج .. و عشان لو حد كلمني بالليل او و انا نايمه ممكن ارد عليه و اعامله اسوأ معاملة ..

و اضيع كارتي كله علي الماسيجات افضل بكتير من اني اكلم حد ..


ــــــــــــــــــــ


لو يوم ما حستش بأمان يبقي انا لزمتي ايه .. ده انا في حياتك جيت عشان ابقي اللي نفسك فيييييه .. و اكتر من اللي بتحلم انت بيه يا حبيبي .."

بعشق اغاني حماقي كلها ..

روائع ..


ـــــــــــــــــــ

مبيهمنيش حاجه ..
او بمعني اصح مبقاش يهمني حاجه ..
معنديش مشاكل اني املي الفيس بوك نوتز .. او املي البوح بمشاركاتي ..
و بقي اسهل كلمة " اعلي ما في خيل اي حد يركبه " ..

و مش فارقه معايا وجهة نظر الناس فيا .. لان الحمدلله مافيش حد احسن مني و انا مش احسن من اي حد ..

ــــــــــــــــــ

قالها : متوصنيش .. علي حبي ليك
قالتله : و اني احبك .. و لكن

........

اظن ان فكرة اني اتقبل في القسمين و اختار صحافة بالنسبه لناس كتير هي من عجائب الدنيا السبع ..
بس هعمل ايه في " اذاعه و تلفزيون " ..

و غريب الامر ان فيه ناس جواها عايزاني ادخل قسم اذاعه رغم ان فكرتهم عن اعلام .. سعد الصغير و محمد صبحي و عمرو دياب و تامر كل مرة اشوفك فيها ..

و هاعمل اللي يريحني .. !!


ــــــــــــــــــ

تسألوني الحلم ..؟
أفلس بائع الأحلام ..

اقتباس بقوة ..

من الجمل اللي وقفت قدامها ..
فعلا ..؟؟
البياع فلّس ..
طب ليه ..؟؟

مصنع الاحلام خلص .. !!

ــــــــــــــــــ

عارف فلان .. اه
عاشرته .. لا

يبقي انت اهبل عشان صدقته ..

طيب لازم الانسان يعيش مع الانسان اد ايه عشان يقول انه "عاشره " ..


ـــــــــــــــــ

هو انا ممكن انزل الكليه مخصوص يوم الثلاثاء عشان احضر الحفلة .. لمجرد اني هتبسط .. ؟!

ــــــــــــــــــ

نسيت الناس معاك انت ..
حبيبي الدنيا و انا جنبك عليا تهون ..

فعلا ..؟

الناس اذا هنت عليهم هانوا عليك .. !!

ــــــــــــــــــ

رملة × بحر

!!

ـــــــــــــــ

جاوز الظالمون المدي ..

أوي يعني .. !!

ـــــــــــ

فيه فار ميت ..
مش مشكله ..

هو فيه حد بيتعزم في بيته ..!!

ــــــــــــ

هو احنا ليه بنعمل تاج للناس في النوت بتاعتنا ..؟
طيب مش بنعمل لكل اللي عندنا .. طب هل اللي بنعملهم غاليين علينا ..؟؟ ولا احنا عايزينهم يقروا الكلام ده ..؟؟ ولا هما اهم ناس يهمونا يقروا .. و لا كاتبين حجات عايزنهم يقروها .. رمي كلام يعني ..؟؟
و لا يمكن عايزين نحس بان احنا عباس العقاد في كتابتنا ..؟؟


ــــــــــــ

من التحرير في العصر..
لرمسيس بالليل ..
لعباس العقاد بعد التراويح ..
لمحطة الاوبرا حيث الفضااااااااااااااااا و احلي قعدة بتبقي في الاوبرا ..
لمحطة الجامعة
لاسكندرية ..
و سيتي ستارز ..

يا قلبي لا تفرح ..


ــــــــــــــــ

تم
تم
تم
تم
تم

هو احنا امتي هنبطل نفاق ؟
...


Linah El-shrief

...


ايمو مكببر



Friday, October 3, 2008 at 3:49pm

إذا عودة مرة أخري ..
إلى مدونتي المهجورة ..
بألوان مختلفة ..

لن أستيقظ منك أبدا

أحلامي بدأت مشوارها بك ..

أن تكون دائما ضيفا محبوبا فيها ..

أصبحت أشتاق لمواعيد النوم مع كل إبتسامة صباح ..

و تمنيت أن يكون يومي كله نوم ..

استطعت أن تخطو أولي خطواتك البريئة داخلي بكل مكر طفولي ..

أن تمشي على أطراف أصابعك بكل هدوء حتى تخترقني .. حتى تكون دائما سيد أفكاري و أميرها ..

كنت البداية لطريق لامعلوم نهايته ..

و القمر المضئ على استحياء .. و كنت الشمس في وقت العتمة ..

لم تكن الاحصنة من اهتمامتي .. و أصبحت أذوب عشقا فيها لإيماني أنك فارسي عليها .. ذلك الذي سيأتي يوما ..

كنت لي مجرة مختلفة عن تلك التى يعيش البشر فيها ..

أجندة الايام بدون أقلامك عليها بطيئة جدا .. بلا فائدة .. مملة حد الموت ..

" أنت " .. أول أحلامي و أخرها ..

لن أستيقظ منك أبدا ..

ليس جنونا .. و لست أموت عشقا فيك .. بل فقط حياتي مرهونة بوجودك ..

و الوطن .. أنت وطني الذي أرسمه بيدي و ألون سماءه و زهوره و أراضيه ..

كنت سري المجهول الذى لا أرغب في الإفصاح عنه ..

و كنت البحر الذى أغوص بأحزاني فيه ..

كمنحدر ترتفع و تنخفض ..

ككل شيئ لاتقليدي ..

تموت كل الاوطان إلا أنت .. فلا وطن قبلك و لا بعدك .. و لا وطن إلا " أنت " ..

بين كل النجوم تسطع أنت بداخلي .. لا أعرف من أنت .. خيال .. حلم .. حقيقة .. نجم .. ربما شمس أو قمر .. كوكب .. !!

فارس أم مجرة .. !!

ألم أقل لك .. أنت كل تلك الأشياء .. أنت بكل بساطة .. وطن ..

في أحلامي أنا الأميرة .. و كما أني لا أختار أحلامي .. فالأميرات أيضا لا يتم اختيارهن .. الأميرات أميرات بالفطرة ..

و لكل أمير .. أميرة ..

تمر الأيام و أنت كما أنت لي ..

نفس الحلم كل ليلة و كأني أصبحت الاميرة النائمة .. للأبد ..

قل لي مرة أخيرة ..

من أنا .. !!

و من أنت ..

وحشتيني يا نقطة ..

وحشني هنا أوي ..
بقالى كتير مش كتبت حاجة ..
غيرت شكل المدونة ..
عايزه حد يظبطهالى بشكل معين ..



اممم ..


وحشني هنا ..
المكان اللى انا اللى بكتب فيه ..
و انا اللى بقرأه ..



بس ..


وحشني الهدوء اللى هنا أوي : )

و قالت : قريبا .. جدا .. جدا .. جدا .. !

جزء داخلي خفي يشدها جدا للرحيل ..
لطالما تمنت ان تمتلك ذلك القلب الاحمق ..
فتروضه و تؤدبه ..
تعلمه كيف عندما يخبره العقل بشيء ينفذه دون ان يتحجج بتلك الواهيات ..

بعد عناء جدا بدأت تستيقظ من كابوس مفزع ..
بدأت تتعايش بشيء من الــ لاأهمية ..
و رغم ذلك ..
يشدها الحنين .. ربما ذلك الشيء الذي ينادونه " العشم" ..

تجارة القلوب في مدينتها مختلفة جدا عن المدن الاخري ..
فالقلب في مدينتها برسم البيع للجميع ..
فالقلب في مدينتها لا يقبل بأن يكون فقط تلك المضخة رغم اى شيء ..

و البشر في مدينتها أيضا ليسوا كاى بشر ..
البشر كنز ..
فرحتهم ماس ..
و ابتسامتهم قوة ..
و حزنهم بركان ..

تتمني الرحيل في كل مرة ..
و يجذبها التواجد ..

قلبها ذلك المغفل إلي متى سيظل في سكرته؟

* ليس لطيفا ان يعرف الإنسان من يحبه ..


الوجع ..
الخطأ ..
الظلم ..
كل ذلك لا يتحمله قلب طائر يعرف انه بعد الترحال يجب ان يعود إلي تلك الأراضي المحبة له المختلفة تماما عن مدينته ..

* من قال ان الهروب سهل؟


ضعيف هو القلب عند اتخاذ قرار الفراق ..
ضعيف جدا فيتأثر برائحة الحنين أو ربما الخجل ..


* الخسارة رغم اى شيء متعبة لمن يسعي إليها أكثر من من تكون له مفاجأة ..


يشتاق ذلك الداخلي الوهن للأتي :

1- الهدوء
2- الانفعال
3- الثرثرة بشدة
4- التواجد
5- الانزعاج بصوت جدا

و ربما القليل من الرحيل " لتثقيف " النفس كيف التعايش بدون ما تحب ..


: )

نـــ ا ســـ .. !

كل شيء او كل حدث او حتي كل انسان بيتوجد في حياتنا مش بيتوجد الا لسبب معين ..
سبب ممكن احنا مش نشوفه في وقتها .. و ممكن اوي نشوفه و يطلع مش هوا السبب الحقيقي .. و ممكن اوي يكون لاسباب كتيرة نشوف بعضها بس ..
و ممكن اوي نفضل طول عمرنا مش عارفين هما ليه في حياتنا أصلا ..

فيه ناس تواجدهم في حياتنا كمان بيبقي جزئي جدا .. لفترة و بينتهي ..

و فيه ناس انا مؤمنة اوي انهم بيعيشوا معانا مش من اول حياتنا و لكنهم بيدخلوا في نصها مثلا و يفضلوا فيها لحد ما واحد فيهم يموت .. و يمكن يكونوا بعاد عن بعض في انهم يشوفوا بعض او يتواصلوا مع بعض .. لكن معزتهم بتكون قوية اوي .. اوي جدا يعني .. و انا بنفسي شفت النوعية دي ..

فيه ناس تواجدهم معانا رغم انه قليل اوي .. الا ان بيبقي هدية من عند ربنا .. قليل اوي لما الانسان يلاقي ناس بتحبه في الله بجد .. من غير اي اسباب .. هما بس بيرتاحوا في الكلام معاه .. و بيبقوا أروع لما يعبروا اوي عن حبهم ده .. دول فعلا بعتبرهم هدايا ربنا ليّا ..




معرفة الناس كنوز .. و ان كان معرفتهم بتحتاج صبر أوي .. و معرفة يقينية .. انهم بشر ..

معرفة الناس ممكن تخسرنا .. بس الأكيد انها بتكسبنا .. حتي لو اتأذينا .. بتعلمنا درس .. يعني كسبنا ..


فيه ناس انا مؤمنة اوي .. ان تواجدهم هو أروع شيء بيحصلي بجد ..

الحمدلله : )